Бүгін Түркістан шаһарына «Neke tour» республикалық байқауының жеңімпаздары келді. Бұл байқау «15 сәуір – Қозы Көрпеш пен Баян Сұлу күніне» орай ұйымдастырылған.
Ел көлемінде алғаш рет ұйымдастырылған жобаға 345 жұп өтінім беріп, арасынан үздік 15 жұп іріктелген. Олардың некесін қаланың бас имамы қиып, отбасылық өмірдің жауапкершілігі туралы түсіндірді.
Жеңімпаз жанұяларға екі күн бойы құрмет көрсетіледі. Бүгін романтикалық кешкі ас, фотосессия және мәдени бағдарлама ұйымдастырылса, ертең қаланың көрікті орындары мен қала маңындағы киелі жерлерге зиярат ету жоспарланған.