Бұл күн көктемнің келуімен, табиғаттың жаңаруымен және жаңа жылдың басталуымен байланысты. Наурыз – татулық пен бірлікті, береке мен молшылықты дәріптейтін ерекше мереке.
Наурыз сөзі парсы тілінен аударғанда «жаңа күн» деген мағынаны білдіреді. Бұл мереке көктемгі күн мен түн теңелетін кезеңде атап өтіледі және адамзаттың табиғатпен үйлесімін, жаңару мен үміттің бастауын білдіреді.
Қазақ халқы Наурыз мейрамын ерекше құрметпен қарсы алып, ұлттық дәстүрлер мен салт-сананы жаңғыртады. Бұл күні дастархан жайылып, ұлттық тағамдар әзірленеді, соның ішінде Наурыз көже дайындалып, ағайын-туыс, көрші-қолаң бір-біріне ақжарма тілектерін айтады.
Ұлыстың ұлы күні – адамдарды жақсылыққа үндейтін, татулық пен келісімді нығайтатын, қоғамдағы өзара сыйластық пен мейірімділікті арттыратын мереке. Бұл күн әрбір шаңыраққа қуаныш пен береке әкеліп, халықтың бірлігі мен ынтымағын айқындайды.
Наурыз – өткенге тағзым етіп, болашаққа үмітпен қарауға шақыратын мереке. Осы айтулы күні әрбір отбасыға амандық, денсаулық, молшылық пен бақ-береке тілейміз.
Ұлыс оң болсын, ақ мол болсын!