20 қазан – қазақ даласында алғаш рет мектеп ашып, жалпыұлттық ағарту ісінің негізін қалаған ұлы педагог, жазушы, этнограф әрі қоғам қайраткері Ыбырай Алтынсариннің туған күні.«Кел, балалар, оқылық!» деп ұран тастаған ұлы ұстаздың бұл сөздері – ғасырлар өтсе де өзінің маңызын жоймаған, әрбір ұрпаққа бағыт-бағдар беретін темірқазық. Ыбырай Алтынсарин қазақ балаларының дүниежүзілік ғылым мен өнерді меңгеріп, көзі ашық, көкірегі ояу азамат болып өсуін армандады.Ол тек мектеп ашып қана қоймай, төл әдебиетімізде балалар прозасы мен поэзиясының алғашқы үлгілерін қалыптастырды, оқулықтар жазды. Бүгінгі таңда еліміздің білім беру жүйесі мен жас буынды тәрбиелеу ісі ұлы ағартушының осы қастерлі мұраларымен тікелей сабақтасып жатыр.
