Түркістан қаласының «Жеңіс» саябағында Жеңіс күніне орай мерекелік шара өтті. Жиынға Түркістан облысы әкімінің орынбасары Сәкен Қалқаманов, Түркістан қаласының әкімі Нұрбол Тұрашбеков, Түркістан облыстық Қорғаныс істері бойынша департаменттің бастығы Нұрмаханбет Бексейітұлы қатысты.
Шара барысында әскери қызметте еңбек етіп, қоғам үшін игі істер жасаған азаматтар марапатталды.
Өнерпаздар Жеңіс күніне арналған қойылымдарын қойып, жас жеткіншектер өлең шумақтарын арнады.
Жиынға қатысушылар даңқ мемориалы алдына гүл шоқтарын қойып, ерлікке тағзым етті.