Қазақстанның жаңа Конституциясы елдің саяси және мемлекеттік басқару жүйесін жаңғыртуға бағытталған маңызды құжат ретінде айқындалды. Оның негізінде билік институттарының өзара тиімді байланысын қамтамасыз ететін «Күшті Президент – ықпалды Құрылтай – есеп беретін Үкімет» қағидаты жатыр.
Бұл қағидат мемлекеттік басқарудағы жауапкершілік пен өзара тепе-теңдікті күшейтуге бағытталған. Президент елдің стратегиялық даму бағытын айқындап, мемлекет тұрақтылығы мен ұлттық бірліктің кепілі ретінде негізгі рөл атқарады. Ал ықпалды Құрылтай халықтың мүддесін білдіретін заң шығарушы институт ретінде қоғамдық мәселелерді талқылауға және маңызды шешімдер қабылдауға қатысады.
