Мемлекет басшысы Қасым-Жомарт Тоқаев Қазақстан халқын Әділетті Қазақстанды құру жолында бірлікті, өзара жауапкершілікті және ортақ мақсаттарды берік ұстануға шақырды.
Президент еліміздің дамуы мен өркендеуі ең алдымен қоғамның ауызбіршілігіне, халықтың белсенді азаматтық ұстанымына және ел болашағына деген ортақ жауапкершілігіне байланысты екенін атап өтті.
Мемлекет басшысы біртұтас ұлт болып жұмыла әрекет ету – тұрақты даму мен ауқымды реформаларды жүзеге асырудың маңызды негізі екенін айтты.
Әділетті Қазақстанды қалыптастыру жолындағы басты құндылықтар – заң үстемдігі, еңбекқорлық, жауапкершілік және елге деген сүйіспеншілік болуы тиіс.
